"Манчестер Сити"га қайтган Илкай Гюндоган дунёнинг энг яхши мураббийи деб ҳисоблаган Пеп Гвардиолани мақтади. Немис ярим ҳимоячиси нега бундай фикрда эканлигини тушунтирди.
"Жамоага қайта қўшилиш жуда ёқимли ва жуда осон бўлди. Кўпчилик футболчиларни аллақачон яхши биламан. Менга “Манчестер Сити”нинг энергияси ёқади, уларнинг кўпини соғиндим.
Гвардиоланинг асосий устунлиги? Рақиблар унинг режаларини ўқий олмаслигига ишонч ҳосил қилиш учун у ҳар мавсум ўз ёндашувини ўзгартиради. У шунингдек, тафсилотларга ниҳоятда эътиборли, бошқалар кўрмаган нарсани кўради", - дейди Гюндоган.
