“Севилья”нинг ўтган йилги йўқотишлари 81,7 миллион еврони ташкил қилганди.

Marca нашри навбатдаги акциядорлар йиғилишида клуб балансдаги ўз маблағлари минус 65 миллион евродан ошгани ҳақида хабар беради.

"Севилья" кетма-кет тўртинчи молиявий йилини йўқотишлар билан якунлайди. Клуб Европа лигасида ғолиб чиққанига қарамай пандемия даврида 41,4 миллион евро, 2022 йилда 24,8 миллион, 2023 йилда 19,3 миллион евро йўқотди.

Жамоанинг тўрт йил ичида умумий зарари 167,2 миллион еврони ташкил этади.

Қайд этилишича, бир йил аввал клуб жами 108 миллион еврога иккита кредит эълон қилган, бироқ бу маблағ операцион харажатларни қоплашга кетади ва барча мавжуд муаммоларни бартараф этишга ёрдам бермайди.

“Севилья” Ла Лиганинг 9-туридан кейин 12 очко билан 11-ўринда бормоқда.