“Sevilya”ning o‘tgan yilgi yo‘qotishlari 81,7 million yevroni tashkil qilgandi.

Marca nashri navbatdagi aksiyadorlar yig‘ilishida klub balansdagi o‘z mablag‘lari minus 65 million yevrodan oshgani haqida xabar beradi.

"Sevilya" ketma-ket to‘rtinchi moliyaviy yilini yo‘qotishlar bilan yakunlaydi. Klub Yevropa ligasida g‘olib chiqqaniga qaramay pandemiya davrida 41,4 million yevro, 2022 yilda 24,8 million, 2023 yilda 19,3 million yevro yo‘qotdi.

Jamoaning to‘rt yil ichida umumiy zarari 167,2 million yevroni tashkil etadi.

Qayd etilishicha, bir yil avval klub jami 108 million yevroga ikkita kredit e’lon qilgan, biroq bu mablag‘ operasion xarajatlarni qoplashga ketadi va barcha mavjud muammolarni bartaraf etishga yordam bermaydi.

“Sevilya” La Liganing 9-turidan keyin 12 ochko bilan 11-o‘rinda bormoqda.