Саккиз карра “Олтин тўп” соҳиби Лионель Месси фаолиятидаги барча мақсадларига эришганини айтди.
“Мен барча орзуларимни амалга оширишга муваффақ бўлдим ва болалигимда ният қилганимдан ҳам кўпроқ нарсага эришдим. Худо менга буларни берди. Мен футболчининг энг катта орзуси – Жаҳон чемпионатида ғолиб чиқишни уддаладим. Ҳаётимнинг бир бўлаги ҳисобланган “Барселона”да кўп титулларни қўлга киритдим.
2026-йилги Жаҳон чемпионати? Режа қилган ишларим бор, лекин аввалдан бир нарса деёлмайман. Ҳар кунимдан завқ олишга ҳаракат қиляпман. Вақти келганда ҳаммаси аён бўлади, шошқалоқлик қилишни ёқтирмайман. Ўзимни яхши ҳис қилиш ва бахтли бўлиш учун ҳозиргидек ўйнашда давом этаман”, деди Месси.
Аргентиналик ҳужумчи тарихдаги тарихдаги энг кўп соврин ютган футболчига айланди: июл ойида у Аргентина терма жамоаси билан Америка Кубогида ғолиб чиқди ва ўзининг 45-совринини қўлга киритди.
