"Манчестер Юнайтед" тез орада мураббийлар ўзгаришини бошдан кечириши мумкин.
"Қизил иблислар"нинг амалдаги бош мураббийи Эрик тен Хаг жиддий босим остида - агар шанба кунги "Брентфорд"га қарши ўйин натижаси ёмон бўлса, у истеъфога чиқарилиши мумкин.
Журналист Флориан Плеттенбергнинг янгиланган маълумотларига кўра, "Манчестер Юнайтед" Рубен Аморимга қизиқиш билдираётгани ҳақидаги маълумотлар ҳақиқат. Лиссабоннинг "Спортинг" клубини бошқараётган португалиялик мураббий тен Хаг истеъфога чиқарилган тақдирда Англиянинг топ-клуби лавозимига асосий даъвогарлардан бирига айланди.
Бироқ 39 ёшли мутахассис мавсум давомида "Спортинг"ни тарк этишни режалаштирмаяпти. Ёзда уни ўзига жалб қилиш имконияти анча реал бўлади.
