"Ливерпуль" бош мураббийи Арне Слот клуб етакчиларининг жамоани тарк этиши билан боғлиқ миш-мишлар ҳақида гапирди.
Эслатиб ўтамиз, турли ОАВда мавсум якунида мерсисайдликлар сафини Муҳаммад Салоҳ, Трент Александр-Арнольд ва Виржил ван Дейк тарк этиши мумкинлиги ҳақида хабарлар тарқалган эди.
"Ўйлайманки, сиз бизнинг футболчиларни кам баҳолайсиз. Бу футболчилар ҳар куни барча топ-клублар билан боғланишга ўрганиб қолган.
Агар сиз уларни бу қизиқиш безовта қилмоқда деб ўйласангиз, унда сиз уларнинг ахлоқий жиҳатдан қанчалик кучли эканлигини билмайсиз.
Бу бизнинг ишимизнинг бир қисми. Бу биз яшаётган дунёнинг бир қисми. Фақат нима қилишингиз кераклигига эътибор қаратинг. Трент, Салоҳ ва Ван Дейк барча турнирларда ғолиб чиқди. Улар ҳозир яхши ўйнашмоқда", – деди Слот.
