Микель Артета 2010 йилги жаҳон чемпионатида Англия терма жамоаси сафида ўйнашга рози бўлганини тан олди.
"Уч шерлар"нинг ўша пайтдаги бош мураббийи Фабио Капелло "Эвертон" ярим ҳимоячисини Англия терма жамоасида ўйнашини кутганди, аммо ФИФА ҳамкорлик қилмади. Илгари Артета Испаниянинг турли ёш терма жамоаларида ўйнаган.
"Мен Англия учун ўйнашга рози бўлардим. Мен бу [имконият] билан жуда фахрланаман. Ўша пайтда Испания терма жамоасида бўлган футболчилар ва мен учун қанчалик катта қийинчилик бўлганини инобатга олиб, вазиятга реал қарардим. Ўз даражангизни билиш жуда муҳим - кўзгуда ўзингизга қаранг.
Охир-оқибат, ҳеч нарса чиқмади. Лекин ҳеч бўлмаганда бу ҳақда ўйлаб кўриш ажойиб бўлди", - деди “Арсенал” устози.
