Лука Модрич хорижликлар орасида "Реал" сафида ўйинлари сони бўйича 2-ўринга кўтарилди.

Мадрид клуби Ла Лиганинг 10-тури доирасидаги ўйинда “Сельта”ни меҳмонда (2:1) мағлуб этди.

Бу ўйин ярим ҳимоячи Лука Модрич учун "Реал" либосидаги 547-ўйин бўлди.

У хорижликлар орасида мадридликлар сафида 546 ўйин ўтказган Марселони ортда қолдириб, иккинчи ўринга кўтарилди.

Бу кўрсаткич бўйича пешқадам “Ал-Иттиҳод”нинг франциялик ҳужумчиси Карим Бензема бўлиб, “Реал” сафида 648 та ўйин ўтказган.

4-ўринни эгаллаб турган Роберто Карлос мадридликлар сафида 527, Тони Кроос эса 465 та ўйинда майдонга тушган.