"Челси" бош мураббийи Энцо Мареска "Ливерпуль" ҳужумчиси Муҳаммад Салоҳни ўз жамоаси ярим ҳимоячиси Коул Палмер билан таққослади.
"Салоҳ ҳақида гап кетганда, уни бир ёки икки мавсумга қараб баҳолай олмайсиз - унинг "Ливерпуль"да ўтказган етти-саккиз йили ҳақида гапиришингиз керак. Бу даврда у энг яхши ўйинчилардан бири, жамоаси учун энг муҳимларидан бири эди.
Палмер ўтган мавсумда "Челси"да худди шундай ўйинчи бўлган ва ҳозир ҳам худди шундай ҳаракат қилмоқда. Умид қиламанки, у кейинги 5-10 йил давомида худди шу руҳда бизда ўйнашда давом этади", - дея Маресканинг сўзларини келтирмоқда Daily Star.
