"Кристал Пэлас"нинг ҳужумкор ярим ҳимоячиси Эберечи Эзе келаси йили клубини алмаштиришга тайёр.
26 ёшли футболчи жорий мавсум бошида "бургутлар"ни тарк этиши мумкин эди, бироқ даъвогарларнинг ҳеч бири 68 миллион фунт стерлинг (80 миллион евродан ортиқ) миқдоридаги товон пулини фаоллаштиришга қарор қилишмади.
Журналист Экрем Конурнинг сўзларига кўра, инглиз футболчиси 2025 йилда трансферни амалга оширишга тайёр. Футболчига "Ливерпуль", "Манчестер Сити" ва "Тоттенхэм" клублари қизиқиш билдирмоқда.
Эберечи Эзе жорий мавсум “Кристал Пэлас” сафида 9 та ўйинда майдонга тушиб, 3 та гол урди ва битта голли узатмани амалга оширди. Transfermarkt портали ярим ҳимоячининг нархини 60 миллион еврога баҳолаган.
