"Барселона" ҳужумчиси Роберт Левандовски Европанинг кучли бешлик чемпионатларида энг кўп гол урган футболчига айланди.

5:1 ҳисобида якунланган "Севилья"га қарши баҳсда польшалик дубль қайд этди. Эндиликда 36 ёшли ҳужумчи Ла Лиганинг жорий мавсумида урган голлари сони 12 тага етди - топ-5 лигадаги барча футболчилар орасида энг яхши кўрсаткич. Иккинчи ўринда Англия Премьер-лигасида ўн бор рақиблар дарвозасини ишғол қилган "Манчестер Сити" вакили Эрлинг Холанд жой олган. Эслатиб ўтамиз, Левандовски ўнта, норвегиялик эса саккизта ўйин ўтказган.

Омар Мармуш ("Айнтрахт") етти учрашувда тўққизта аниқ зарбаси билан кучли учликни ёпди. Тўртинчи ўринни Матео Ретеги ("Аталанта") ва Харри Кейн ("Бавария") бўлишди – улар етти ўйинда саккиз марта рақибларини хафа қилишди.