"Интер" бош мураббийи Симоне Индзаги Аргентина терма жамоаси ва "нерадзуррилар" ҳужумчиси Лаутаро Мартинес "Олтин тўп"ни қўлга киритишга лойиқ эканлигини айтди.
"Унда ғалаба қозониш учун "Интер" ва терма жамоаси билан қилган ишини давом эттириши керак. Ишонаманки, у дунёнинг энг кучли беш футболчисидан бири. У бунга лойиқ", - деди Индзаги.
2024 йилда Мартинес "Интер" билан Италия чемпионатида олтин медалларни қўлга киритди ва бир вақтнинг ўзида А Серияда мавсумнинг энг яхши тўпурари бўлди. У Аргентина терма жамоаси билан Америка Кубогида ҳам ғолиб чиқди ва у ерда ҳам тўпурарлик пойгасида ғалаба қозонди.
