"Реал" бош мураббийи Карло Анчелотти матбуот анжуманида ярим ҳимоячи Лука Модрич ҳақида гапирди.

“Модрич эртага майдонга тушадими? Бу саволга жавоб бермайман, лекин айтишим мумкинки, Модрич нафақат жамоамиз, балки умуман футбол учун ҳам ноёб футболчи. У катта тажрибага эга ва ҳали ҳам тўпга эгалик қилишда, ўз позициясини эгаллашда ўзига хос фазилатларга эга... У бизга кўп ёрдам беради. Умид қиламанки, у эртага майдонда пайдо бўлишидан қатъий назар ёрдам беради", - деди Анчелотти журналистларга.

22 октябрь, сешанба куни Мадриднинг “Реал” клуби Чемпионлар лигаси доирасида Дортмунднинг “Боруссия” жамоасига қарши ўз уйида майдонга тушади.