Саудия Арабистони расмийлари "Ньюкасл"ни сотиб олиш келишувида иштирок этган.
Саудия Арабистони суверен жамғармаси (PIF) клубни 2021 йилда 305 миллион фунт стерлингга сотиб олган. Премьер-лига мамлакат расмийлари "Ньюкасл"ни назорат қилмаслиги ҳақида қонуний кафолат олгандан кейингина келишувни маъқуллади.
"Ньюкасл"нинг собиқ эгаси Аманда Ставелининг мессенжеридаги ёзишмалари интернетга тарқалди - унинг мазмунидан кўриниб турибдики, клубни эгаллаш бўйича келишув Саудия Арабистони валиаҳд шаҳзодаси Муҳаммад бин Салмон Ал Сауд томонидан маъқулланган бўлиши мумкин.
The Guardian нашрининг хабар беришича, Премьер-лига келишувнинг қонунийлигини кўриб чиқиш учун асос кўрмаяпти. Шу билан бирга, лига ўз қарорининг оқибатларига ойдинлик киритиш учун ҳакамлик комиссиясига мурожаат қилди.
