Мюнҳеннинг "Бавария" клуби бошқаруви раиси Карл-Ҳайн Руммениге ўз ўйинчилари ва Дортмунднинг "Боруссия" клуби футболчиларини ҳақиқий рицарлик руҳи кўрсатишга чақириб, бундеслига ва чемпионлар лигасида ортиқча босимдан йироқ бўлишга чорлади, дея хабар беради немис матбуоти.

Руммениге улардан "Реал" ва "Барселона" ўртасидаги рақобатдан ўрнак олмасликни таъкидлади.

"Бавария" ва "Боруссия" Германияда испанча қарама-қаршиликни такрорламаслиги керак. Биз тарихга жиддий ва ҳурмат билан ёндошсак яхши иш қилган бўламиз ва оловга мой сепмаслигимиз керак", - дейди Руммениге.