"Манчестер Юнайтед", "Атлетико Мадрид" ва Уругвай терма жамоасининг собиқ футболчиси Диего Форлан Монтевидеода (Уругвай) "Челленжер"да иштирок этди.

Спортчи дунёнинг 101-рақамли Федерико Кориа билан жуфтлик баҳсларида иштирок этади. Бу ҳақда испаниялик журналист Гонсало Феррейра ижтимоий тармоқларда хабар берди.

Монтевидеодаги турнир қум кортларда ўтказилади ва 11 ноябрь куни бошланади. Аввалроқ Лимада (Перу) ўтказилган MT-1000 мусобақасида Форлан чорак финалга қадар етиб борган ва у ITF фахрийлар рейтингида дунёнинг 45-ракеткаси бразилиялик Антонио Амара да Силва Фильога ютқазганди (3:6, 2:6).

Диего Форлан 2010 йил Жанубий Африкада бўлиб ўтган жаҳон чемпионатининг энг яхши футболчиси, 2011 йилги Америка кубоги ғолиби, "Олтин бутса"нинг икки карра соҳиби, Уругвай тарихидаги энг кўзга кўринган футболчилардан бири.