"Manchester Yunayted", "Atletiko Madrid" va Urugvay terma jamoasining sobiq futbolchisi Diyego Forlan Montevideoda (Urugvay) "Chellenjer"da ishtirok etdi.
Sportchi dunyoning 101-raqamli Federiko Koria bilan juftlik bahslarida ishtirok etadi. Bu haqda ispaniyalik jurnalist Gonsalo Ferreyra ijtimoiy tarmoqlarda xabar berdi.
Montevideodagi turnir qum kortlarda o‘tkaziladi va 11 noyabr kuni boshlanadi. Avvalroq Limada (Peru) o‘tkazilgan MT-1000 musobaqasida Forlan chorak finalga qadar yetib borgan va u ITF faxriylar reytingida dunyoning 45-raketkasi braziliyalik Antonio Amara da Silva Filyoga yutqazgandi (3:6, 2:6).
Diyego Forlan 2010 yil Janubiy Afrikada bo‘lib o‘tgan jahon chempionatining eng yaxshi futbolchisi, 2011 yilgi Amerika kubogi g‘olibi, "Oltin butsa"ning ikki karra sohibi, Urugvay tarixidagi eng ko‘zga ko‘ringan futbolchilardan biri.
%20%26quot%3BChellenjer%26quot%3Bda%20ishtirok%20etdi.&image=%2Fimages%2Fnews%2Fdiego-forlan1.jpg&noparse=true){kind=link}