«Манчестер Юнайтед» жамоасининг қониқарсиз натижалари туфайли Эрик тен Хаг билан хайрлашиши мумкин. Саккиз турдан кейин «қизил иблислар» АПЛ турнир жадвалида бор-йўғи 12-ўринни эгаллаб турибди. Манкунианликлар жамоасининг навбатдаги бош мураббийи Симоне Индзаги бўлиши мумкин.
"Inter Live" нашрининг Англиядаги миш-мишларга таяниб хабар беришича, Индзаги келаси мавсумдан бошлаб «Манчестер Юнайтед»ни бошқаришга рози бўлган. Тахминларга кўра, италиялик мутахассис видеоконференция орқали бир неча бор музокаралардан сўнг «ҳа» деб жавоб берган.
Симоне Индзаги ҳозирда «Интер»ни бошқармоқда. Жамоа Италия чемпионати турнир жадвалида иккинчи ўринни эгаллаб турибди.
