Бу йилги мавсумни ўта бўш ўтказаётган Фарғонанинг «Нефтчи» клуби 8-турга эндигина ўзининг 2-ғалабасини қўлга киритди. Дебютант «Гулистон»ни қабул қилган Юрий Саркисян шогирдлари биринчи бўлимнинг ўзидаёқ масалага ойдинлик киритиб қўя қолишди.

Учрашувнинг 19-дақиқасида ҳисоб очилди. «Нефтчи»нинг қанот ҳимоячиси Дилёрбек Эрматов гол муаллифига айланди. Кейинги голлари эса «Нефтчи» тўпурари Анвар Бердиев киритди. Унинг 33 в 38-дақиқаларда киритган голига «Гулистон» ҳужумчиси собиқ «Нефтчи» футболчиси Носир Отақўзиев 40-дақиқада битта гол билан жавоб қайтарди.

Мухлислар иккинчи бўлимда фақат битта гол гувоҳи бўлишди. Иқболжон Акрамов асосий вақт тугаб бораётган вазиятда гол киритиб ўйиннинг йирик ҳисобда тугашини таъминлади. Натижада «Нефтчи» ҳисобидаги очколари сони еттитага етган бўлса, «Гулистон» 11 очко билан 6-ўринда қолди.

ЎзПФЛ. 8-тур
НЕФТЧИ – ГУЛИСТОН 4:1 (3:1)
Голлар: Дилёрбек Эрматов (19), Анвар Бердиев (33, 38), Иқбол Акрамов (90) — Носир Отақўзиев (40).

«Нефтчи»: 21. Фаррух Турдиалиев, 4. Шукурали Пўлатов, 6. Бахтиёр Ёқубов (16. Сардор Соипов, 54), 20. Дилёрбек Эрматов, 27. Муҳсин Низомиддинов, 7. Мансур Саидов, 22. Иқбол Акрамов, 23. Санжар Асқаралиев, 17. Сардор Мирзаев, 19. Шерзод Ҳакимов (Отабек Зокиров, 81), 10. Анвар Бердиев (Шавкат Насибуллаев, 65).
«Гулистон»: Илҳом Жуманов, Иброҳим Раҳимов, Акбар Саттоев, Роббим Ҳасанов (Зафар Қорақулов, 25), Бобур Акбаров (Жасур Отажонов, 30), Сарвар Жўраев, Элёр Жаҳонов (Тоҳир Шамсиддинов, 67), Илёс Хайров, Собир Усмонхўжаев, Константин Боев, Носир Отақўзиев.

Ҳакамлар: Р. Эрматов (Тошкент), А. Расулов (Тошкент), Ж. Саидов (Тошкент), А. Мўминов (Тошкент вил.).
Назоратчи: Ғ. Каримов (Тошкент).