«Фенербахче» «Манчестер Юнайтед»нинг еврокубоклардаги ғалабасиз сериясини узайтирди.

Пайшанба куни Туркияда бўлиб ўтган Европа Лигаси учрашуви дуранг билан якунланди - 1:1. Учрашувнинг 15-дақиқасида Кристиан Эриксен меҳмонларни ҳисобда олдинга олиб чиққан бўлса, Жозе Моуриньо шогирдлари 49-дақиқада Юссеф Эн-Несирийнинг голи орқали мувозанатни тиклашга муваффақ бўлишди. "United Zone" нашрининг таъкидлаганидек, «қизил иблислар» сўнгги 40 йил ичида еврокубокларда ғалабасиз энг узоқ сериясини давом эттирмоқда - олтита ўйин. Бу охирги марта 1980-1983 йилларда содир бўлган.

Эрик тен Хаг жамоаси еврокубоклардаги ўйинда роппа-роса бир йилдан буён ғолиб бўлмаяпти: аввалги муваффақият 2023 йилнинг 24 октябрига тўғри келади, ўшанда манкунианликлар Чемпионлар лигасида ўз уйида Дания «Копенгаген»ини мағлуб этишга муваффақ бўлишган (1:0).