«Fenerbaxche» «Manchester Yunayted»ning yevrokuboklardagi g‘alabasiz seriyasini uzaytirdi.

Payshanba kuni Turkiyada bo‘lib o‘tgan Yevropa Ligasi uchrashuvi durang bilan yakunlandi - 1:1. Uchrashuvning 15-daqiqasida Kristian Eriksen mehmonlarni hisobda oldinga olib chiqqan bo‘lsa, Joze Mourinyo shogirdlari 49-daqiqada Yussef En-Nesiriyning goli orqali muvozanatni tiklashga muvaffaq bo‘lishdi. "United Zone" nashrining ta’kidlaganidek, «qizil iblislar» so‘nggi 40 yil ichida yevrokuboklarda g‘alabasiz eng uzoq seriyasini davom ettirmoqda - oltita o‘yin. Bu oxirgi marta 1980-1983 yillarda sodir bo‘lgan.

Erik ten Xag jamoasi yevrokuboklardagi o‘yinda roppa-rosa bir yildan buyon g‘olib bo‘lmayapti: avvalgi muvaffaqiyat 2023 yilning 24 oktyabriga to‘g‘ri keladi, o‘shanda mankunianliklar Chempionlar ligasida o‘z uyida Daniya «Kopengagen»ini mag‘lub etishga muvaffaq bo‘lishgan (1:0).