А Сериянинг 9-тур учрашуви 26 октябрь куни Болоньядаги "Ренато Далль’Ара" стадионида бўлиб ўтиши керак эди.
Кучли ёмғир ва сув тошқини, шунингдек, реставрация ишлари олиб борилаётгани сабабли баҳс ҳукумат қарори билан бошқа муддатга қолдирилди.
Бундай шароитда 35 минг мухлиснинг стадионга келиши жамоат тартибини сақлашда муаммо туғдириши мумкинлиги тахмин қилинмоқда.
"Милан" президенти Паоло Скарони "Болонья" билан томошабинларсиз ўйнашни таклиф қилди. Учрашувни "Эмполи" ёки "Комо"да нейтрал майдонда ўтказиш ғоялари ҳам муҳокама қилинди.
Бироқ шаҳар мэри Маттео Лепоре ва "Болонья" раҳбарияти учрашувни бошқа муддатга қолдиришни талаб қилишди. Якуний қарор А серияси директорлар кенгашининг фавқулодда йиғилишида қабул қилинди.
Шу муносабат билан янги ўйин санаси ҳақида қарор қабул қилиш керак.
