"Брентфорд" устози Томас Франк келажаги ҳақида янги фикр билдирди.

Аввалроқ миш-мишлар бу мутахассисни кўпроқ мақомли клублар, хусусан, "Манчестер Юнайтед" билан боғлаган эди.

"Биринчидан, мен бу ерда жуда хурсандман. Бу ажойиб ўйинчилар, ходимлар ва раҳбарият бўлган ажойиб клуб.

Аммо келажакда нима бўлишини ким билади? Мен бутун фаолиятимни шу ерда ўтказаман деб айта олмайман, чунки ҳаёт ўзгаради.

Бир пайт ишдан бўшатилишим мумкин. Мен буни назорат қила олмайман. Бошқа томондан, бир кун уйғониб, менга янги синов керак деб ўйлашим мумкин.

Ёки Данияга қайтиш ҳақида, чунки мен қачондир у ерга қайтишимни биламан", – деди Франк.