Англиянинг "Ньюкасл" клуби "Ланс" клуби ҳимоячиси Абдуқодир Ҳусановга қизиқиш билдирмоқда. Жамоа раҳбарияти ўзбекистонлик футболчининг агенти билан алоқага чиқишган. Бу ҳақда спорт журналисти Thomas Bullock ўзининг блогида ёзди.
"Ньюкасл" жорий мавсумни муваффақиятли бошлаган бўлса-да, жамоа айни пайтда АПЛ жадвалида 9-поғонани эгаллаб турибди. Шу боис, клуб январь ойида таркибни кучайтириш ҳақида бош қотирмоқда.
Эдди Хау ихтиёридаги икки марказий ҳимоячи 32 ёшда бўлиб, бу чизиққа янги "қон" кераклиги кўриниб қолди. Жамоа ёзда «Кристал Пэлас» ҳимоячиси Марк Гуэхини қўлга киритишга уриниб кўрди, аммо бунга эриша олмаган эди.
"Ньюкасл" Абдуқодир Ҳусанов билан шартнома имзолаш имкониятларини ўрганмоқда.
Аввалроқ ўзбекистонлик футболчига "Арсенал" ва "Челси" клублари ҳам қизиқаётгани ҳақида хабарлар тарқалганди.
