Европада "Барселона" ва "ПСЖ"даги ўйинлари билан танилган бразилиялик ҳужумчи Неймар фаолиятини АҚШда давом эттириши мумкин.
O Dia нашри хабарига кўра, ҳужумчи билан "Интер Майами" қизиқмоқда. Бу жамоада у "Барселона"даги собиқ жамоадошлари билан яна бирлашиши мумкин.
Флорида жамоасининг шарафини Лионель Месси, Луис Суарес, Серхио Бускетс ва Жорди Альба ҳимоя қилади.
"Интер Майами" Неймарни келаси ёзда, футболчининг Саудия Арабистонининг «Ал-Ҳилол» клуби билан шартномаси тугаши билан сотиб олиши мумкин.
Қайд этилишича, бразилиялик футболчининг МЛС клубига ўтиши учун маоши камайиши керак бўлади.
