"Барселона" бош мураббийи Ханс-Дитер Флик "Реал" билан ўйинда (4:0) жамоанинг ҳимоядаги иштирокини қайд этди.
Каталонияликлар 54, 56, 77 ва 84-дақиқаларда рақибларини ранжитишди. Дастлабки икки ҳолатда Роберт Левандовски, кейин эса Ламин Ямал ва Рафинья гол уришди.
"Барча ўйинчилар режага амал қилишмоқда, бу жуда қувонарли. Мен бу ерда иш бошлаганимда, биз ўйинчилар ўз салоҳиятларини тўлиқ ривожлантиришлари учун ижобий муҳит яратиш қанчалик муҳимлиги ҳақида гапиргандим.
Бизда ажойиб менталитет бор. Ҳар бир ўйин алоҳида ҳикоя, биз ўйинга тузатиш киритамиз. Бугун бутун ҳимоямиз ажойиб ўйнади ва Иньиго Мартинес айниқса яхши эди. Иньяки [Пена] ҳам ажойиб ўйнади", - деди Флик.
