Шанба оқшомида Испания чемпионати доирасида "Реал" ва "Барселона" клублари тўқнаш келишди. Каталонияликлар "Сантьяго Бернабеу"да 4:0 ҳисобида ғалаба қозонди.
Учинчи голдан сўнг “Реал Мадрид” стадиони трибуналаридан Ламин Ямалга қарши ҳақоратлар, жумладан, ирқий сўзлар ҳам янгради. Мадрид клуби бу ҳақда баёнот берди.
"Реал Мадрид" футбол ва спортдаги ирқчилик, ксенофобия ёки зўравонликни кўрсатадиган ҳар қандай хатти-ҳаракатни кескин қоралайди. Биз кеча бир нечта мухлислар стадион бурчакларидан бирида айтган ҳақоратларидан афсусдамиз", — дейилади клуб сайтида.
Мадрид клуби ҳақорат муаллифларини топиш ва уларга нисбатан санкция қўллаш бўйича текширув бошлади.
