Shanba oqshomida Ispaniya chempionati doirasida "Real" va "Barselona" klublari to‘qnash kelishdi. Kataloniyaliklar "Santyago Bernabeu"da 4:0 hisobida g‘alaba qozondi.
Uchinchi goldan so‘ng “Real Madrid” stadioni tribunalaridan Lamin Yamalga qarshi haqoratlar, jumladan, irqiy so‘zlar ham yangradi. Madrid klubi bu haqda bayonot berdi.
"Real Madrid" futbol va sportdagi irqchilik, ksenofobiya yoki zo‘ravonlikni ko‘rsatadigan har qanday xatti-harakatni keskin qoralaydi. Biz kecha bir nechta muxlislar stadion burchaklaridan birida aytgan haqoratlaridan afsusdamiz", — deyiladi klub saytida.
Madrid klubi haqorat mualliflarini topish va ularga nisbatan sanksiya qo‘llash bo‘yicha tekshiruv boshladi.
