Ўзбекистон U-17 жамоаси бош мураббийи Ислом Исмоилов Ироққа қарши бўлиб ўтган учрашувдан сўнг ўз фикрларини билдириб ўтди:

"Бугун Ўзбекистон U-17 жамоаси Осиё кубогига йўлланмани қўлга киритди. Жамоа бош мураббийи сифатида айтишим мумкинки, биз 2,5 йил давомида айнан ушбу босқич учун жиддий тайёргарлик кўрдик. Франция, Венгрия, Беларус, Хитой сингари мамлакатларда йиғинлар ташкил этдик ва мезбон жамоаларга қарши халқаро ўртоқлик учрашувлари ўтказдик. Шунингдек, юртимиздаги Миллий терма жамоалар марказида Осиё ва жаҳоннинг бир қатор етакчи терма жамоалари билан ўйнадик. Мираброр Усмонов кубоги ва CAFA турнирларида иштирок этиб, ғолиб ва совриндор бўлдик, Энг асосийси, бизнинг жамоа энг муҳим босқичга муносиб тайёргарлик кўриши учун барча имкониятларга эга бўлдик.

Бунинг учун, Ўзбекистон футбол ассоциацияси раҳбарлари Абдусалом Абдумавлонович Азизов, Равшан Сайфиддинович Ирматов ва Одил Олимжонович Аҳмедовга, ЎФА терма жамоалар маркази раҳбари Усмон Қудратович Тошевга жамоамиз номидан улкан ташаккур билдирмоқчиман. Бундан ташқари жамоамиздаги мураббийлар штабига, шифокорларимизга, ҳар бир футболчиларимиз, уларни тарбия қилган ота-оналари ва мураббийларига ҳамда юртимиздаги ОАВ вакилларига ҳам раҳмат айтаман.

Биз Осиёнинг энг кучли жамоаларидан бири эканимиpни яна бир бор исботлай олдик ва насиб бўлса? 2025 йил Саудия Арабистони мезбонлик қиладиган Осиё кубогида чемпионлик учун курашиб, Жаҳон чемпионатига йўлланма олишга ваъда берамиз", — деди Ислом Исмоилов.