«Динамо» Суперлига 22-турида 28 октябр куни Самарқандда турнир пешқадами «Насаф»ни қабул қилади.

Вадим Абрамов ва Рўзиқул Бердиев шогирдлари 2024 йилда ўзаро 3 марта тўқнаш келди. Ўзбекистон кубоги 2-турида «Динамо» ва «Насаф» Жиззахда 3:3 ҳисобида дуранг қайд этганди. Кожо битта, Хислат Халилов 2та голимизга муаллифлик қилган.

Суперлига 1-даврасида эса Қаршида ўзаро ўйнаб, 1:1 ҳисоби қайд этилган. Акмал Мозговойнинг голига Душан Мийич жавоб қайтарганди.

Бу йилги ўзаро 3-ўйин Самарқандда август ойида назорат баҳси доирасида ўтказилган. Шерзод Насруллаев ҳисобни очган бўлса, Жоэл Кожо ҳисобни тенглаштирган – 1:1.

«Динамо» ва илк чемпионлиги учун курашаётган «Насаф» ўртасидаги бу йилги 4-ўйин ҳам душанба куни қизиқарли ва шиддатли ўтиши аниқ.

Суперлига. 22-тур
28 октябр, душанба
«ДИНАМО» – «НАСАФ»
Ўйин бошланиш вақти: 18:15
Самарқанд, Динамо стадиони
Трансляция: Спорт ТВ