Лондоннинг «Арсенал» клуби собиқ футболчиси Бакари Санья ярим ҳимоячи Поль Погба фаолиятини қаерда давом эттириши мумкинлигини айтди.

“Премьер-лига Полга мос келади. Мен уни «Арсенал»да кўришни истардим. Ҳозир «канонирлар» таркибида ёш жамоа бор. Погба ёш футболчилар билан ўйнашни яхши кўради. Шу тариқа у ўзини имкон қадар самарали кўрсатиши мумкин”, — дея Бакари сўзларини келтиради "The Sun".

Эслатиб ўтамиз, Погбанинг допинг учун дисквалификация муддати 4 йилдан 18 ойга қисқартирилганди. Шу тариқа ярим ҳимоячи келаси йилнинг баҳорида футбол майдонига қайтиши мумкин бўлади.