Лондоннинг «Арсенал» клуби вингери Букайо Сака «Ливерпуль» билан ўйиндаги дуранг (2:2) ҳақида фикр билдирди.

«Ҳафсалам пир бўлди, лекин сиз «Ливерпуль»ни ҳурмат қилишингиз керак. 90 дақиқа давомида ўз даражамизда ўйнай олмадик деган фикр бор.

Биринчи бўлимда биз ўз фазилатларимизни кўрсатдик, рақибга ҳеч нарса яратишга имкон бермадик, аммо стандарт вазиятдан гол ўтказиб юбордик. Танаффус олдидан «Ливерпуль» учун бошқа имкониятни эслай олмайман.

Иккинчи бўлимда ўзимизни яхши кўрсатмадик. Улар кўпроқ дуэлларда ғалаба қозонишди, тўпга кўпроқ эгалик қилишди, биз ҳимояланишга мажбур бўлдик», - дея Сака сўзларини келтиради "BBC".