Эммануэль Пети Эрик тен Хагнинг "Манчестер Юнайтед"дан четлатилиши сабаблари ҳақида гапирди.
"Эрик тен Хагни "Манчестер Юнайтед"дан бўшатиш вақти келди. Буни айтганимдан афсусдаман ва унга ачинаман, чунки клубнинг кўплаб футболчилари ўзларининг энг яхши формасидан йироқ.
"Вест Хэм"га қарши ўйинни кўрганимда, ҳатто "Манчестер Юнайтед" мухлисларининг ҳафсаламиз пир бўлганини ҳис қилдим. Улар жуда осон гол ўтказиб юборишади ва бутун ўйин хаосга ўхшайди.
Тен Хагни мухлислар, клуб ёки ўйинчилар қўллаб-қувватламади, лекин унинг ўзи кўп муаммолар учун жавобгар эди. Бу масъулиятни футболчилар ҳам бўлишишлари керак, чунки унинг четлатилишига айнан улар сабаб бўлган.
Тен Хаг жамоага Эредивизиядан ўртача ўйинчиларни олиб келди. Шунингдек, у ҳеч қандай иштиёқ кўрсатмасди ва ҳар доим матбуот анжуманларида зерикиб қолгандек туюларди", - деди Франциянинг собиқ ярим ҳимоячиси.
