Англия чемпионати доирасида “Челси” ўз майдонида “Ньюкасл”ни мағлуб этди (2:1).
Daily Mail нашри хабарига кўра, Лондон клуби Премьер-лигада қоидабузарликлар сони бўйича рекорд ўрнатган.
Энцо Мареска шогирдлари учта турли ўйинда олти ёки ундан кўп карточка олишган. Бу тарихда биринчи марта содир бўлди. Энди "Челси" Премьер-лигага жазо сифатида 75 минг фунт тўлаши керак.
Эслатиб ўтамиз, “Челси” аввалига “Борнмут” (25 минг фунт), кейин “Ноттингем” (50 минг) билан ўйин учун жазо олганди.
Мареска шогирдлари 17 очко билан АПЛ турнир жадвалида 5-ўринда бормоқда.
