"Олтин тўп" мукофоти ташкилотчилари аллақачон овоз беришда 11-29-ўринларни эгаллаган футболчилар номини эълон қилишди. Бу футболчилар рўйхатида "Барселона" вингери Ламин Ямал йўқ эди.
Шу тариқа, иқтидорли футболчи кучли 10таликка кирди. Ямал "Олтин тўп" мукофотининг кучли ўнталигига кирган энг ёш футболчи бўлди.
Stats Foot портали хабарига кўра, Ламин бу муваффақиятга 17 ёшу 107 кунлигида эришган. Аввалроқ “Олтин тўп”нинг кучли ўнталигига кирган энг ёш футболчи Килиан Мбаппе (18 ёшу 352 кун) бўлганди. Ламин Ямалнинг аниқ ўрни бироздан кейин маълум бўлади.
