Родри "Олтин тўп"ни қўлга киритган тарихдаги учинчи испаниялик футболчига айланди.
Унга қадар испаниялик футболчи "Олтин тўп"ни 1957 ва 1959 йилларда "Реал"да Альфредо Ди Стефано, 1960 йилда эса "Барселона"да Луис Суарес Мирамонтес қўлга киритган.
Шу тариқа, France Football нашри томонидан дунёнинг энг яхши футболчиси соврини тарихда 4-марта испаниялик футболчига насиб этди.
Эслатиб ўтамиз, Альфредо Ди Стефано Буэнос-Айресда туғилган ва фаолияти давомида Аргентина, Колумбия (колумбияликлар учун фақат ўртоқлик ўйинларида ўйнаган, чунки федерация ФИФАдан четлатилган) ва Испания терма жамоаларида ўйнаган. 1956 йилда у Испания фуқаролигини олганди.
