Винисиус Жуниор атрофидагилар «Олтин тўп»ни ололмагани сабабини айтишди.
Овоз беришда «Реал Мадрид» вингери иккинчи бўлди, «Манчестер Сити» ярим ҳимоячиси Родри совринни қўлга киритди.
Бразилиялик футболчи Мадрид клубининг бутун делегацияси каби маросимда иштирок этмади.
Маросим тугагач, Винисиус ижтимоий тармоқда шундай деб ёзди: «Керак бўлса, ўн баробар кўпроқ қиламан. Улар тайёр эмас».
"Reuters" хабарига кўра, футболчининг вакиллари Винисиус бу ғояси билан ирқчиликка қарши курашни назарда тутганини ва уларнинг фикрича, мукофотни олмаганига айнан шу сабаб бўлганини изоҳлаган.
Улар: «Футбол олами тизимга қарши курашган футболчини қабул қилишга тайёр эмас», дейишди.
