«Манчестер Юнайтед» янги мураббий тайинлаш устида ишламоқда. "Football Insider" хабарига кўра, «қизил иблислар» ҳафта охиригача «Спортинг»дан Рубен Аморим билан меҳнат шартномасини имзолаши мумкин. Шу билан бирга, манбанинг қайд этишича, Хави манкунианликлар клуби учун вариант бўлиб қолмоқда.
Бироқ, Хавининг «Олд Траффорд»га келиш эҳтимоли паст. Биринчидан, Аморимнинг бу ишга жойлашиш имконияти энг юқори. Иккинчидан, Хавининг «Туманли Альбион»га ўтишини қийинлаштирган оилавий муаммолари бор. Қолаверса, испаниялик футболчи мавсум қизғин палласида «Манчестер Юнайтед»ни қабул қилишни истамаяпти.
