Корея Республикасининг Сеул шаҳрида Осиё футбол конфедерацияси томонидан қитъа футболининг энг яхшиларини тақдирлаш маросими ўтказилди. Унда 2023 йилги йирик мусобақалар, хусусан, Осиё кубоги 2023 ва футзал бўйича Осиё кубоги каби турнирлар давомида ўз маҳоратини намойиш этган футболчи, мураббий ва расмийлар тақдирланди.
Ҳусусан, Марказий Осиё футбол ассоциацияси - "Йилнинг энг яхши минтақавий футбол ассоциацияси" номинацияси ғолибига айланди.
Шунингдек, кўплаб номинацияларда ғолиблар номлари эълон қилинди.
"Аёллар футболи бўйича йилнинг энг яхши мураббийи" — Парк Ёун-Жеонг (Корея Республикаси)
"Йилнинг энг яхши мураббийи" — Го Оива (Япония)
"Йилнинг энг яхши футзалчиси" — Саид Аҳмад Аббаси (Эрон)
"Йилнинг энг яхши халқаро аёл футболчиси" — Эллие Карпентер (Австралия)
"Йилнинг энг яхши халқаро футболчиси" — Сон Хин Мин (Корея Республикаси)
"Йилнинг энг яхши ёш аёл футболчиси" — Чаэ Ун Ёнг (КХДР)
"Йилнинг энг яхши ёш футболчиси" — Аббосбек Файзуллаев (Ўзбекистон)
"Йилнинг энг яхши аёл футболчиси" — Кико Сеике (Япония)
"Йилнинг энг яхши футболчиси" — Акром Афиф (Қатар).
"Йилнинг энг яхши футзалчиси" соврини учун номзодлар қаторида бўлган Дилшод Раҳматов курашда эронлик рақибига имкониятни бой берди.
Маълумот учун, 2015 йили "Йилнинг энг яхши ёш футболчиси" мукофотини Достонбек Ҳамдамов қўлга киритган эди.
