Мадриднинг “Реал” клуби душанба кунги “Олтин тўп”ни топшириш маросимини ўтказиб юборди. Матбуотнинг ёзишича, мадридликлар овоз беришда Родри ғалаба қозонганидан хабар топгач, Парижга чартер рейсни бекор қилган.
Spanish Sport хабарига кўра, аслида ҳаммаси бундай бўлмаган. “Реал Мадрид” ташкилотчилардан “Олтин тўп”ни ким қўлга киритгани ҳақида маълумот олмагани учун сафарни бекор қилган.
Мадрид клуби маросим вақтида Родрининг ғалабаси уларни ларзага соладиган вазиятга йўл қўйгиси келмади. "Реал Мадрид" France Football'дан овоз бериш натижалари ҳақида маълумот олиш учун бир неча бор сўради, аммо Мадрид жамоаси рад жавобини олди.
Ташкилотчилар аввалги йиллардагидан фарқли ўлароқ, сўнгги дақиқаларгача ҳаммасини сир сақлашга интилди. Натижада "Реал" Парижга бормасликка қарор қилди.
