Madridning “Real” klubi dushanba kungi “Oltin to‘p”ni topshirish marosimini o‘tkazib yubordi. Matbuotning yozishicha, madridliklar ovoz berishda Rodri g‘alaba qozonganidan xabar topgach, Parijga charter reysni bekor qilgan.
Spanish Sport xabariga ko‘ra, aslida hammasi bunday bo‘lmagan. “Real Madrid” tashkilotchilardan “Oltin to‘p”ni kim qo‘lga kiritgani haqida ma’lumot olmagani uchun safarni bekor qilgan.
Madrid klubi marosim vaqtida Rodrining g‘alabasi ularni larzaga soladigan vaziyatga yo‘l qo‘ygisi kelmadi. "Real Madrid" France Football'dan ovoz berish natijalari haqida ma’lumot olish uchun bir necha bor so‘radi, ammo Madrid jamoasi rad javobini oldi.
Tashkilotchilar avvalgi yillardagidan farqli o‘laroq, so‘nggi daqiqalargacha hammasini sir saqlashga intildi. Natijada "Real" Parijga bormaslikka qaror qildi.
