Пауло Фонсека Рафаэль Леаудан норози.
Football Italia нашрининг хабар беришича, миланлик вингер бугунги А Сериянинг "Наполи"га қарши баҳсида захирада қолади. Леау ва Фонсека ўртасидаги муносабатлар тобора кескинлашиб бормоқда.
Қайд этилишича, оммавий баёнотларга қарамай, Фонсека португалиялик вингердан ўйин ва менталитет борасида "сакраш" кутмоқда. Леау, ўз навбатида, бош мураббийнинг қарорларидан норози бўлиб, у футболчининг юлдуз мақомига шубҳа уйғотмоқда, деб ҳисобламоқда. Шунга қарамай, Леау ва Фонсека ўртасида очиқ келишмовчиликлар йўқ.
Жорий мавсумда Леау А Сериянинг 7 та учрашувида 1 та гол ва 3 та голли узатмани амалга оширди.
