Кеча, 28 октябрь куни Испания терма жамоаси ва "Манчестер Сити" ярим ҳимоячиси Родри ўтган мавсумнинг энг яхши футболчиси учун бериладиган “Олтин тўп” соврини топширилганидан сўнг фаолиятидаги навбатдаги муҳим мақсад ҳақидаги саволга жавоб берди.
"2026 йилги жаҳон чемпионати ҳақида нима дейиш мумкин? Албатта, бу кейинги мақсад, аввал Миллатлар лигаси билан шуғулланамиз, кейин кўрамиз", - деди Родри Football Espana билан суҳбатда.
Ўтган мавсумда ярим ҳимоячи УЕФА Суперкубоги, клублар ўртасидаги жаҳон чемпионати, Англия чемпионати ва Евро-2024 ғолиби бўлган. 2023/2024 йилги мавсумда Родри клуб даражасидаги барча мусобақаларда 50 та ўйинда қатнашиб, 9 та гол ва 14 та голли узатмани амалга оширди.
