"Реал Мадрид" бош директори ва "Реал Мадрид Эстадио" компаниясининг ягона маъмури Хосе Анхел Санчес янгиланган "Сантьяго Бернабеу" стадионида кўплаб концертлар ўтказилиши муносабати билан атроф-муҳитни муҳофаза қилиш қонунчилигини бузганликда айбланмоқда.
Маҳалла уюшмаси ёзда бўлиб ўтган баланд овозли концертлар шовқинни сезиларли даражада ифлослантираётгани ва уларнинг тинчликка бўлган ҳуқуқларини бузганини даъво қилиб, "Реал Мадрид Эстадио" устидан судга мурожаат қилди. Ассоциация маълумотларига кўра, клуб зарур тадқиқотлар ўтказмаган ва атроф-муҳитга шовқин таъсирини камайтириш учун етарли чоралар кўрмаган.
Агар Анхел Санчес ушбу жиноятларда айбдор деб топилса, бу 6 ойдан 2 йилгача қамоқ жазоси, жарима ва икки йил муддатга дисквалификация қилиниши мумкин.
