"Реал Мадрид" "Бавария"нинг чап қанот ҳимоячиси Альфонсо Дэвисни сотиб олишига шубҳа қилмаяпти. Кўпчиликнинг фикрига кўра, канадалик Мюнхен клуби билан келаси ёзда тугайдиган шартномасини узайтириши даргумон.
Мадриднинг “Реал” клуби 23 ёшли футболчига асосий даъвогар сифатида кўрилмоқда. Журналист Экрем Конурнинг сўзларига кўра, Англия Премьер-лигаси вакилларининг футболчига қизиқиши ортиб бораётганига қарамай, Ла Лига гиганти Дэвис билан бўлажак келишувига оптимистик қарашда.
Манбага кўра, ҳимоячи учун "Манчестер Сити", "Манчестер Юнайтед", "Челси" ва "Ливерпуль" клублари даъвогарлик қилмоқда.
