ЦСКА ва Ўзбекистон миллий терма жамоаси ярим ҳимоячиси Аббосбек Файзуллаевнинг биринчи мураббийи Дмитрий Ан футболчининг Осиёда йилнинг энг яхши ёш футболчиси деб топилганига муносабат билдирди.

"Аббосбекда рақобат борми? Менимча, ҳа, у ердаги йигитлар ёмон эмас, топ-клубларда ўйнашади. Файзуллаев қанчалик ўсди? Албатта, тараққиёт бор. Амалиётда бўлганимда, у ерда ўсишни ёқтиришини пайқадим, у профессионал футболчи сифатида кўтарилаётганини тушунди. Буларнинг барчаси унга яхши. Унинг Осиёнинг энг яхши ёш футболчиси сифатида тан олиниши жуда қувонарли.

"Бавария" ва бошқа клублардан қизиқиш борлиги ҳақидаги миш-мишлар бор ва бу нарсалр уни безовта қилмайди. У олдинга интилмоқда, Европада ўйнаш мақсади бор. У Испанияга кетмоқчи эди, лекин кўрамиз. Мен ЦСКАни хафа қилишни хоҳламайман, лекин Аббос юқорироқ жойда ўйнашни хоҳлайди", - дея Аннинг сўзларини келтиради Metaratings.

Ярим ҳимоячининг "қизил-кўклар" билан шартномаси 2026 йилнинг июн ойи охиригача амал қилади. Transfermarkt портали футболчининг нархини 6 миллион еврога баҳоламоқда.