"Реал Мадрид" ва "Барселона" клублари Валенсиядаги сув тошқини муносабати билан ўз ҳамдардлигини билдирди.
Испаниянинг жануби-шарқидаги Валенсия провинциясида кучли ёғингарчилик туфайли кенг кўламли сув тошқинлари юзага келди.
Камида 62 киши ҳалок бўлди. Валенсиянинг айрим ҳудудлари сув босган йўллар туфайли узилиб қолган, электр ва алоқада узилишлар юзага келган, кўприклар вайрон бўлган.
Шу ҳафта бўлиб ўтиши керак бўлган "Валенсия" ва "Леванте"нинг Испания кубоги баҳслари қолдирилди.
"Валенсия" ҳам Ла Лигада "Реал" билан ўйинни бошқа муддатга қолдиришни сўради, Мадрид бунга қарши эмас.
"Валенсия" Дана бўрони туфайли ҳалок бўлганларнинг оила аъзолари ва яқинларига самимий ҳамдардлик билдиради.
Барчага – жабрланган аҳолига ҳам, табиий офат оқибатларини бартараф этишда меҳнат қилаётганларга ҳам куч-қувват тилаб қоламан.
Клуб ҳокимият ва жабрланган муниципалитетларга ҳар қандай ёрдам беришга тайёр", - деди "Валенсия" раҳбарияти.
