"Манчестер Сити" бош мураббийи Пеп Гвардиола жамоанинг жисмоний ҳолатидан хавотирда эканлигини тан олди. Чоршанба куни “шаҳарликлар” Англия лига кубоги баҳсида “Тоттенхэм”га имкониятни бой беришди (1:2).
"Бизда жиддий муаммолар бор. Кейинги ўйинга тайёр атиги 13 нафар футболчи бор. Охиригача ўйнаган йигитларнинг аксариятида қийинчиликлар бўлди.
Ўйлайманки, биз тўққиз йил давомида ҳеч қачон жароҳатлар бўйича бундан ёмон вазиятга дуч келмаганмиз, аммо бундай шароитда футболчилар бир қадам олдинга интилиб, янада жипслашади. Эртага машғулотларга фақат иккита дарвозабон ва Холанд келади", - деди Гвардиола.
