"Манчестер Юнайтед" бош мураббийи вазифасини бажарувчи Руд ван Нистелрой "Лестер" билан ўйиндан (5:2) кейин Каземиродан хурсанд бўлди.

Бразилиялик ярим ҳимоячи чоршанба куни Лига кубоги баҳсида дубл қайд этди. Бу Эрик тен Хаг истеъфога чиқарилганидан кейин жамоанинг биринчи ўйини бўлди.

“Каземиродан хурсандман. Унинг машғулот ўтказиши, жамоага ва клубга ёрдам бериши барчага ўрнакдир. Унинг биз билан эканлигидан, қийинчиликларни енгиб ўтганидан хурсандман. "Ливерпуль" билан ўйиндан кейин у жуда кўп танқидларга учради", - дейди ван Нистелрой.

Каземиро жорий мавсумда 13 та ўйинда 3 та гол урди, учта аниқ зарба ҳам сўнгги икки учрашувда амалга оширилди.