«Барселона» ҳимоячиси Даниэль Алвес Испания чемпионати доирасидаги «Атлетико»га қарши ўйиндан кейин «Реал» устози Жозе Моуриньонинг жамоадан кетиши борасидаги хабарларга фикр билдирди.

«Испан журналистлари Моуриньонинг «Реал»дан кетишини кўп такрорлашмоқда. Лекин мен унинг кетишини хоҳламаган бўлардим. Чунки кучли рақобат ҳар доим ҳам яхши.

«Эспаньол» — «Реал» ўйинини кўрмадим, чунки ўша вақтда «Порту» ҳамда «Бенфика» ўртасидаги учрашувни кўрдим. Чемпионлик масаласи ҳал бўлиб улгурган эди ва бу шанба куни содир бўлди.

Неймар борасида гапирадиган бўлсам, ҳамма менинг бу борадаги фикримни билади, лекин бу масалаларни ҳал қилиш менинг ишим эмас. Агар пулим етганида ўзим уни сотиб олган бўлардим», дейди ҳимоячи.